شوية نكت في السريع !!!

مرة واحد مخنوق
فصاحبه بيسأله : مالك ؟؟!!
قال له : شيبسي فى حالى
صاحبه قال له : ليز ؟؟؟
قال له : أبويا كرنشي من البيت !!!
قال له : يا عم ... قلبظ دماغك

***********************
مره دكتور صيدلي قابل دكتور صيدلي زيه قاله مرهم بيك قاله
بنسلين ماشفناش بعض

**********************
مسطول عنده بغبغان وهوه قاعد يحشش راح البغبغان اكل الحشيش المسطول اتغاظ وراح
حابس البغبغان فى عشة الفراخ .. البغبغان لقى الديك رايح جى يبصله بصه أعجاب ... البغبغان قاله ... بقولك أيه أنا جى فى مخدرات مش فى آداب .

********************

مرة وحدة وحشة جدا بتقول لزوجها نفسى ابقا
عصفورة قال لها وانا نفسى ابقا بندقية
***************************


مره واحد كان قاعد في الصالة مرآته دخلت عليه لاقته بيقرأ في كتاب (الرجل سيد المنزل) فقالتله انت مش هاتبطل قراية الكتب الخيالية دي .
***********************

كان فى مرة اثنين رجالة مشين فى الشارع فشافوا واحدة ماشية بتعيط علي جوزها فقام رايح واحد من الرجالة بيقول للتانى ايه رأيك بقى ان الست دى بتمسل قاله ازاى ياعم منتاش شيفها ماشية بتعيط على جوزها طب استنا وانا هوريك فراح جمبها وقل اه بس ياقمر لو تقولى انت ساكن فين وانا هنسيك كل الى شفتة فقالت اه ه ه ه ه ياحبيبى ياجوزى يلى كنت مسكنى فى المهندسين عمارة20 شقة 14
*****************************
مدرس رياضه اتجوز مدرسة رياضه خلفو ولد شبه منحرف وبنت دايره على حل شعرها